kikay023
SR.MODERATOR
Posts : 84
Join date : 2009-11-09
Age : 39
Location : qatar
|
Subject: Dagdag na sahod ng mga govt employees sa 2010 tiniyak ng DBM Mon Nov 09, 2009 3:16 pm |
|
|
MANILA – Tiniyak ni Budget and Management (DBM) Secretary Ronaldo Andaya na maibibigay ang karagdagang umento ng mahigit 1.1 milyong kawani ng gobyerno sa susunod na taon.
Sinabi ni Andaya na nakapaloob sa P1.541 trilyong panukalang budget ng pamahalaan sa 2010 na isinumite sa Kamara de Representantes ang P68.4 bilyong para sa ikalawang taon ng implementasyon ng Salary Standardization Law III.
Ang naturang batas na nagkaloob ng dagdag na sahod sa 1.139 milyong empleyado ng pamahalaan ay sinimulang ipatupad nitong Hulyo 2009.
Ipinaliwanag ng kalihim na P44.44 bilyon sa inilaang P68.4 bilyon sa 2010 ay para pondohan ang balanse sa unang bahagi ng SSL III nitong Hulyo. Samantala, ang P23.94 bilyon ay ilalaan sa second tranche ng naturang batas na ipatutupad sa Hunyo ng susunod na taon.
“We have already set aside money for the salary increase of government workers. Any news of its delay or ditching is pure speculation. So by July next year, the second round of increases will be in their pay envelopes,“ pagtiyak ni Andaya.
“The SSL III is a four-year plan beginning 2009 to adjust public sector pay through higher rates in the 33-bracket government pay scale," idinagdag ng opisyal.
Nilinaw din ni Andaya na tanging mga kawani lamang sa pambasang pamahalaan ang sakop ng salary increase sa 2010 budget. Hindi umano kasama sa dagdag na umento ang mga manggagawa sa lokal na pamahalaan at pribadong sektor.
Sinabi ng opisyal na kukunin ang pondo sa implementasyon ng SSL III sa P494 bilyon na nakalaan sa “personal services" expenses.
Kabilang sa mga madadagdagan ng sahod ay ang tinatayang 290,877 sundalo, pulis, bumbero at iba pang uniformed personnel.
“In addition to basic salary, there about 40 assorted types of allowances, fee, pay, honoraria , bonuses which are either common to all or given to specific groups like judges and health workers , and these are just on the civilian side alone , because the military and the police have their own menu," pahabol ni Andaya.
Bukod dito, may nakalaan din umanong P45.4 bilyon para sa pagbabayad ng pensyon ng mga reteradong sundalo at iba pang mga uniformed personnel kasama na ang mga beterano.
“What we pay our X-men is five times bigger than the annual budget of our Air Force , which has a proposed budget of P9.2 billion next year , bigger than the entire Army’s budget of P30.5 billion, and nine times the annual AFP modernization fund of P5 billion,“ pahayag ni Andaya.
“The financial requirements of our retired corps are creeping up fast and might soon be at par with what our active units are spending which in the case of the entire AFP is P55.6 billion next year,“ ayon pa sa kalihim.
|
|